Halep, Osaka nunger Sydney International nung asayatsü

Luchii/December 3, 2018 (Agencies): World number one Simona Halep aser US Open champion Naomi Osaka na Sydney International asayamung nung shilem agitsüba osang asayamung ayongertemi Tentonü sangdongogo.
Tetsürtem asayar rongnung temaba jenjang 10 nung alir ronungi parnok 8 tashi iba asayamung nung shilem agitsü asoshi züngoksemogo, koba taruba küm Aenjeti/jan 6 nungi 12 tashi asayatsü. Iba asayamung ya Australian Open Grand Slam warm up asayamung ka ama züngshir.
Tanga asayartem rongnung defending champion aser Wimbledon koker alila Angelique Kerber, Sloane Stephens, Petra Kvitova, Karolina Pliskova, Kiki Bertens, aser Daria Kasatkina nunger densema lir.
Iba asayamung nung shilem magiba top 10 nung alir asayar ana ya Caroline Wozniacki aser Elina Svitolina na lir.
Kasa asayamung teburtem asaya tashimaitba asütsü aser parnok rongnungi ranke 14buba nung alisang Britain nunger asayar Kyle Edmund top seed asütsü aser pa den Gilles Simon, Alex de Minaur, Lucas Pouille aser Jo-Wilfried Tsonga nunger densema lir.
“Iba asayamung nung shilem agitsü asoshi alima nungi asayar tajungtem aika züngoksemba atema ni kanga pelar,” ta asayamung director Lawrence Robertson-i ashi.