Nagaland Medical Council-i sangdonger

Kohima, Luchii/December 05 (TYO): Medical Council of India (MCI) ajanga Supreme Court tetuyuba ka nung ajemdaker Deputy Registrar, Nagaland Medical Council, Dr. Kevilhulie Meyase-i sangdong ka ajanga Nagaland nung Allopathic Private Practitioners ajak dang parnok kübok anepalur HIV agi shiranger lira iba osangji NACO ket nung agutsütsü metetdaktsüogo, ta tanü ketdangsertem osang ka ajanga metetdaktsü.
Iba atema format ji National AIDS Control Organisation (NACO) website nung angutsü.
Iba dak alia Nagaland Medical Council-i, temalan tuyuba ama meinyakra ibajibo Supreme Court tetuyuba anema inyaker asütsü ta züngshitsü, ta kasa sangdong nungsa shia lir.