LKM sanen luden senden ayonger

Dimapur, Luchii/December 05 (TYO): Langpangkong Kaketshir Mungdang (LKM) mendenti ajanga Luchii/December 8, 2018 anüngdang 11:00 ako nungi tenzüka LKM Conference Hall, Chuchuyimlang nung sanen luden senden ka ayongzuker, ta Information & Publicity Secretary, LKM, Imliakum Jamir-i sangdong ka ajanga metetdaktsü.
32buba LKM lokti senden den saisapong sentong January 8th-11, 2019 anogotem nung Akhoya yimdak amongtsu sentong renema lir, anungji rongdak nüngdak aser teinyaktsü maparen jenti alinung yimtsüng shia nungi Executive, President, LKM advisors aser senior tem ajak iba senden nung khangtepa arua adentsü mepishia metetdaktsür, ta kasa sangdong nung shia lir.