Dimapur District DPDB senden ayongzüka menogo

Dimapur, Luchii/December 05 (TYO): December ita atema Dimapur District Planning and Development Board senden tanü Dimapur DC indang conference hall nung menogo, ta ketdangsertem osang ka ajanga metetdaktsü.
Dimapur DC aser DPDB Vice Chairman, Sushil Kumar Patel (IAS) leniba nung amenba senden nung board züngsemtemi kuli kaket shidak reprangteta society kar registration atema sorkar matsüngdang benoktsü lemtet; item rongnung Inspire Foundation, North East Artist Network, Vivekananda Welfare Foundation Kalibari Road Dimapur, Surumi Welfare Society, K. Creative Society densema lir aser Fire Around the World agi AKUPP Ministry nüngja melentsü dena liasü.
Kasa senden nung El-Shaddai Foundation Children Home Seitheke Basa; Dimapur nem Grant in Aid agutsütsü atema o lemtepba sülen School Education department matsüngdang benoktsü lemtet.
Senden nungsa Chumukedima Town nung tajemtsü tzü supply agusütsü atema jembi aser PHE department-ia iba project dak sendakb osang agutsü.
Senden nungsa school kar upgrade asusü atema tim department matsüngdang benoktsü lemtet, aser item school rongnung GHS Burma Camp agi GHSS, Westside School Dhansiripar agi High School, Stepping Stone School Duncan Dimapur, Hope Academy School Seitheke Basa, Naga United Village Dimapur densema lir.
Senden nung LRD-i department indang project tem metetdaktsü aser mendeni tepela o jembia senden tembang.