Home Guards & Civil Defence Nagaland ‘Raising Day’ salem abener

Dimapur, Luchii (December) 5 (TYO): Nagaland Governor P.B. Acharya aser Chief Minister Neiphiu Rio nati sangdong balala ajanga Home Guards & Civil Defence Nagaland ‘Raising Day’ atema salem osang metetdaktsü.
December 6, 2018 nü Nagaland Home Guards and Civil Defence indang Raising Day amungba atema kanga pelar. Home Guards & Civil Defence personnel ajanga Police aser Civil administration den yariteper. Parnok ya loktiliba atema kanga dang tongtipang lir aser parnoki maneni tangatetba tajung nung loktiliba tenzüktsü amanger, ta Acharya-i ashi..
Neiphiu Rio-ia sangdong ka nung ‘Raising Day’ indang sangoktsü aser pai ashiba agi, State Police aser Civil Administration den yariteptsü atema mezüngbo subsidiary force ka ama tentet saka lia arudang Home Guards’ and Civil Defence mapa tuluba aküm.
Tanü, parnok ya reserve force ka dang masü saka State Disaster Response Force nung tongti shilem agir, ta Rio-isa metetdaktsü.
Nagaland Governor aser Chief Minister naprongi Home Guards’ and Civil Defence Organization züngsem ajak den tepela lemsatepba den tenüngsang agütsü aser maneni meimchir tenzükba mapa bendanga agüja inyaktsü ayongzük.