Arr atsütepba nung Khiamnuingan nungeri 1st; Aor-i Runner-up angu

Luchii/December 06, 2018 nü Kisama nung arr atsütepba final tetoktepba nung Khiamnuingan aser Aor na tsüngda arr atsütepa noksa nung angur.

Kohima, Luchii/December 06 (TYO): Luchii/December 06, 2018 nü Heritage Village, Kisama nung Hornbill tug-of-war tetoktepba nung Khiamnuingan nungeri takok angu; iba sentong ya Department Youth Resources & Sports-i ayongzük, ta ketdangsertem osang ka ajanga metetdaktsü.
Arr atsütepba final asayaji Khiamnuingan aser Ao na tsüngda liasü aser Khiamnuingan nungeri final round nung takok ngua senpet 20,000 aser runners-up Aori senpet 10,000 angu.
Iba tetoktepba nung kin 13 nungi team shia nisung 8-i best-of-3 rounds atsütepa liasü. Minister Urban Development & Municipal Affairs, Metsubu Jamir-i tug of war 2018 champion nem sempet agutsü aser Advisor School Education, K T Sukhalu-i first runner up nem sempet aguja liasü.