NPF-i Khristmas jeli benjungmung agiogo

Kohima, Luchii/December 6 (TYO): Naga People’s Front (NPF)-i Central office, Kohima nung Yangtepnü/Thursday Khristmas jeli sentong takok ngua mungogo.
Sentong nung Khristmas osang nung ajemdaker o jembiba mapang, NPF President, Dr. Shürhozelie Liezietsu-i, Yisu Khrista asoba anogomung nung benjungtepba mapang asen temulung nung chichiba Khrista tanela alitsüla aser nisung shibai Khristaji pa mulungjang nung lidaktsüdir, pa takum nung teti dang takok aser tepela alitsü, ta ashi.
Temeshi Laishiba Yohan 3:16 tekong nung ajemdaker Dr. Shürhozelie-i, meimchir temenen nungi alangzüktsü asoshi Tsüngremi par chir Yisu Khrista alimai yokbaji meimchirtem aser alima atema temoatsü tulutiba ka lir. Anungji, Khristmas mapang ya tamangbapur ajak atema tayongzükba mapang ka lir aser iba mapang asenok meimchirtem teinyaktsü tongtibangtibaji Tsüngremer mulungba nung tashi anga Pa dang iba tanela sayutsü mapangbaji tang ya lir, ta ashi.
Kasa sentong nung, N Vihoshe Swu aser Banuo Sanchu nati Yohan 3:16 azüng; Vimenuo Nakhro-i Christmas salem osang ashi; Thangsat-i sentong tenzüka Tsüngremer temoatsü meshizüka sarasademtsü aser Virie Kuotsu-i la ken ajanga telok saksalemdaktsü. Sentong nung mendenbubaji S Akho Leyri liasü.