Nagaland aser Ministry of H&F Welfare tsüngda MoU sign asü

Kohima, Luchii/December 06 (TYO): Luchii/December 05, 2018 nü Hotel Japfu, Kohima nung Ministry of Health & Family Welfare aser Nagaland sorkar na tsüngda Memorandum of Understanding ka sign süogo; Nagaland nung National Centre for Disease Control (NCDC) amenoktsü atema MoU ji sign asü, ta tanü ketdangsertem osang ka ajanga metetdaktsü.
Ministry of Health & Family Welfare, Govt. of India tenüng nungi Joint Secretary, Lav Agarwal, aser Nagaland State tenüng nungi Principal Secretary, H&FW, I. Himato Zhimomi nati MoU sign asü aser kuliserji Secretary to the Govt. of India, MoH&FW, Preeti Sudan liasü.
Iba sentong nung ketdangsertem den jembidang Preeti Sudan-i, DoH&FW-i state nung Measles Rubella Vaccination Campaign (MRVC) mapatong takok ngua inyakba atema tenüngsang agutsü.
Laisa, grassroot level nung alternate banking services agutsütsü, mapang shidak nung senotsü aser facilities lemzüktsütsü atema state-i mepishibaji lai Ministry aser State Policy Makers den külemi inyaktsü, ta metetdaktsü.
Kasa sentong nung state nung Health Programs balala reprangshia liasü, aser iba mapang nung Dr. Vizolie Suokhrie, Director (H)-i state nung Department of H&FW-i inyaktetba mapatem, metokmeperi aser tejakleni aotsü indang metetdaktsü.
Iba sentong ya Dr. Vikeyie Losu, Principal Director leniba nung agi aser Mission Director, National Health Mission, Nagaland, Dr. Kevichusa Medikhrü-i tepela anküp o jembia liasü.
National Centre for Disease Control (NCDC) ya Indian Directorate General of Health Services, Ministry of Health & Family Welfare kübok reju ka lir, aser iba ya epidemiology aser temenatepba tashidak azüoktsü atema research agiba reju ka lir.