Ranji Trophy: Manipur-i asaya amokbanger asayadar

Dimapur, Luchii/December 7 (TYO): Ranji trophy, Palate Group-D Nagaland Cricket Stadium, Sovima nung Manipur aser Nagaland na tsüngda tang tasayadak aliba asaya tanabuba anogo tembangba tashi nung Nagaland team-i wicket 4 out sür run 150 yanglur lir.
Nagaland team-i mezüngbuba innings nung run 126 dang yanglu. Mezüngbuba anogo nung Manipur team-i wicket 3 out sür run 173 yanglu aser iba sülen mezüngbuba innings nung parnoki asayar ajak out sür run 336 yanglu. Mezüngbuba innings nung Manipur team nungi asayar Mayank Raghav-i run 228 yanglu.
Nagaland team nungi off-spinner, Tahmeed Rahman shiba Northeast nung first class asaya nung shilem agirtem rongnung tanobusang lir, pai otsü tasen ka yanglua Ranji trophy plate group D team; Mizoram, Sikkim, Pudducherry, Bihar, Uttarkhand, Arunachal, Meghalaya aser Manipur nungi asayartem rongnungi mezüngbuba hat-trick agisang kümogo. Item state tem ajak taküm mezüngbuba Ranji nung shilem agir.
Pai Manipur team nungi asayar Homendro, William aser Kishan atonga out süja liasü. Tahmeed-i mezüngbuba innings nung run 108 agütsür wicket 5 agi.
Score:
* Nagaland (1st innings)-126 runs
* Manipur (1st innings)-336 all out
* Mayank Raghav-228 runs, Yashpal Singh-35 runs
* Nagaland; Tahmeed Rahman- 5 wickets, Pawan Suyal- 2 wicket.
* Nagaland (2nd innings)-150 for 4
* Jonathan-59 runs, K B Pawan-47 n.o., Abrar-24 n.o.