Tetsür aser tanur temeden indang shisalokten ka aka

Dimapur, Luchii/December 10 (TYO): Tetsür aser tanur temeden indang shisalokden ka Luchii/December 10 nü DRDA Conference hall Mon nung kaogo.
Iba sentong nung shisalen agütsür Sub Inspector, Mon Women Police, Lynnee-i, Mon nung tetsür aser tanur anema inyakba aser police temi teyari agütsüba onük nung ajemdaker jembi. Kasa mapang nung Legal Cum Protection Officer, DCPU Mon, Wanloi H. Konyak-i, “Service of integrated Child Protection Scheme (ICPS)” onük nung aser Mon District Service Legal Authority, Panel Lawyer M.Moba-i “Service under the Nagaland State Legal Service Authority for Women and Children” onük nung ajemdaker jembia liasü.
Iba sentong ya Mon EAC Ihoilung Chuilo lenisüba kübok aka aser Mon Deputy Commissioner, Thavaseelan K, IAS-i anküp tepela o jembi.
Sentong nung Mon jila kübok kiyong ajak nungi chairmen-i anir teshimtetba purtem aden. Iba sentong ya Beti Bachao, Beti Padhao (tetsür tanur kümzükang) omen nung ajemdaker Mon, District Administration-i ayongzüka kaogo, ta Mon DPRO sangdong ka ajanga metetdaktsü.