Sonowal-i Bogibeel Bridge semdang

Guwahati, Luchii (December) 11 (Agencies): Assam Chief Minister Sarbananda Sonowal-i tanü Brahmaputra ayong nung Bogibeel Bridge semdang.
December 25 nü Prime Minister Narendra Modi-i iba apu lapoktsütsü sentong lir aser iba atema Sonowal-i apu semdang.
Iba mapang Minister of State (Independent) for Power Tapan Gogoi, BJP MLA tem- Prashanta Phukan, Rituparna Barua, Bhuban Pegu, Dr Ranoj Pegu, Teros Gowala, Commissioner & Secretary of Transport Department Ashutosh Agnihotri den Railway Department nungi tongti ketdangsertemi CM meina aru.
Apu semdangba sülen Sonowal-i Railway Department indang guest house nung bangdak department aser Railways nungi ketdangsertem den Dibrugarh o Dhemaji district tem nungi Deputy Commissioner den külem senden ka amen.
December 25 nü taoba Prime Minister Atal Bihari Vajpayee tasoba anogo nung Prime Minister Narendra Modi-i iba tongtipang apu linük nem bendanga agütsütsü, ta pai ashi.
Chief Minister-isa ketdangsertem dang sentong tiptema agitsü atema mapa inyaktsü tetuyuba agütsü.
Bogibeel Bridge ajanga Brahmaputra ayong nung anüdoklentip aser anüolentip tsütsü road & rail connectivity nung temelenshi tulu bener arutsü ta Sonowal-isa ashi.