Sendenyu yimeri Wanthang dang pelar

Dimapur, Luchii/December 11 (TYO): Directorate of Geology & Mining, Govt. of Nagaland-i Deep Tube Well yangluja December 11 nü Geology & Mining Director, Wanthang Rengma-i semzüktsüba atema Sendenyu Village Council aser sensotemi pelaba lemsateper, ta Sendenyu Village Council Head G.B. & Acting Chairman, Shwensubu Khing-i sangdong ka nung metetdaktsü.
Iba tzübuji süklep 260 tarok lir aser 1.5 hp submersible pump keta aliba ajanga ghonda nung tzü litre 3200 atsüteter. Sendenyu Arogo Centenary Celebration benjungmong amongtsü mapang ka nung iba tzübu yanglutsüba ajanga yimertem kanga anisüngzükogo.
Yimdak iba scheme mapa küma inyaktsüba atema yimertemi Director, ketdangsertem aser staff tem dang kangasa pelar, ta kasa sangdong nung shia lir.