RBI governor inyaktsü atema Shaktikanta Das shim

New Delhi, Luchii (December) 11 (Agencies): Urjit Patel-i RBI governor mapa toktsüba sülen anogo ka lir Centre-i Shaktikanta Das shimogo.
Shaktikanta Das ya India indang Fifteenth Finance Commission nung züngsem ka lir aser pa küm 3 kümsük atema RBI Governor inyaktsü shim.
Cabinet indang appointments committee-i Das shimtsü atema temelaba agütsü, ta Department of Personnel and Training-i ashi.
Das ya Prime Minister Narendra Modi den tesentaktep tajung aliba nisung ka lir aser November 2016 nung Modi-i demonetisation sangdongdang pa economic affairs secretary inyaka liasü.
Das ya Tamil Nadu cadre nungi retired 1980 batch IAS officer ka lir. IAS officer ka ama inyakdang pai India aser Tamil Nadu sorkartem atema mapa balala inyakogo.