Phek nung India-Naga yimtenren ken o atema Peace Rally agiogo

Phek, Luchii/December 12 (TYO): India-Naga yimtenren ken o dak sendakba nung December 12, 2018 nü Phek DC’s office Junction nung Phek District GBs Association-i peace rally ka ayongzüka agiogo, ta ketdangsertem osang ka ajanga metetdaktsü.
Senden tatsüka agi, aser iba mapang nung nüburtemi Naga nunger ajaki agizüktettsüsa yimtenren ken o latettsü atema taginüba lemsatep.
Asen sobaliba aser customary institutions tanüker, Nagaland GBs-i Nagaland nung yimtsüng ajak atema nokdaker; parnoki tongtibang onük ajak atema inyaker, aser yimjung atema asenoki ai-aura kaa inyaktsüla. Parnokisa ajak dang iba maparen inyakteta nükjidong ataloktsü atema tajungtiba agi amalitepa inyaktsü ayongzük.
Peace rally ji DC chamber tashi agia oa DC ajuru, aser iba mapang nung pai parnok dang nüngdakba ajak inyaktsü ta nangzük.