NDPP 5 Ghaspani-II A/C-i lenmang yanglushi

Medziphema, Luchii/December 12 (TYO): Luchii/December 12, 2018 nü NDPP 5 Ghaspani-II A/C nungi party nung inyakertem aser temeimer noklang aika adenshia Medziphema Town nungi Moava yimdak tashi State Highway lenmang yanglushiba nung shilem agiogo, ta tanü NDPP 5 Ghaspani-II A/C Media Secretary, Thejangukho Yalietsu-i sangdong ka ajanga metetdaktsü.
Lenmang yanglushiba mapang nung parnoki lisem, longsang aser ali agi lenmang medemshia liasü, aser iba maparen ya constituency MLA, Zhaleo Rio, IAS (Retd.), Deputy Speaker, GON lenisüba nung achaayanga inyak, ta sangdong nung shia lir.
Iba dak sendakba nung NDPP 5 Ghaspani-II A/C Presdident, Dosau Kuotsu-i machineries agutsürtem, talisa Rokolhu Angami, Tohevi, Peter Rio aser MLA dang pelaba lemsatepogo.