Art & Culture Dept.-i pelar

Kohima, Luchii/December 12 (TYO): Tawa Heritage village, Kisama nung Luchii/December 1 nungi 10, 2018 anogotem nung agia tembangba Hornbill Festival 2018 nung “Cultural Connect” omen kübok sobaliba telok 17-i sobaliba ken, yar tsüngsang aser shilem balala agiba atema Department of Art & Culture-i parnok ajak dang pelar, ta tanü Addl. Director & HOD, Art & Culture Nagaland, Kohima, Chubala Sangtam-i sangdong ka ajanga metetdaktsü.
“Item sobaliba sentongtem aniba atema onoki Kenny Kessen aser Theyiesenuo Keditsu na danga kanga pelar,” ta sangdong nung shia lir.
Department of Art & Culture-isa Phesama Youth Organization aser Kigwema Students Union nati item sobaliba teloktem agizüka anepaluba atema parnok danga pelar, ta sangdong nung shia lir.
Iba sentong takok angutsüsa kanga meranga inyaker Department ketdangsertem aser staff tem danga kanga pelaba lemsateper, ta kasa sangdong ajanga metetdaktsü.