Tanü Meluri nung Beti Bachao Beti Padhao sentong agitsü

Meluri, Luchii/December 12 (TYO): Meluri sub division-i tanü Luchii/December 13, 2018 nü Stadium cum town hall nung Beti Bachao Beti Padhao (BBBP) sentong ka anepdang 10:00 ako nungi tenzüka agitsü, ta ketdangsertem ajanga metetdaktsü.
Iba sentong nung ADC Meluri, Rhosietho Nguori mendenbula asütsü aser St. Michael Church Khumiasu, woman President, Riechutshu-i okila jembitsü.
Kasa sentong nung N.Nyamok Konyak, NCS-i “Status of woman gender issue” onük nung ajemdaker lemsateptsü. Iba sülen, Assistant Teacher Janathara Begum-i “Empowerment women through Education” aser Dr. Khrieno Tachu, Medical Officer-i “women health and safety” onüktem nung ajemdaker o jembitsü.
Iba sülen sentong nung Khumiasu women-i sobaliba ken ka atentsü aser Meluri Village Baptist Church, Associate Pastor (women), Siethochu-i tatem sasrasadem agitsü.