Raj Bhavan nung Khristmas jeli sentong ayonga agiogo

Kohima, Luchii/December 12 (TYO): Raj Bhavan Kohima, Durbar Hall nung yashi Luchii/December 12, 2018 nü Khristmas jeli sentong ka ayonga agiogo.
Iba sentong nung Governor of Nagaland, Shri PB Acharya, pa kinungtsü, Smti Kavita Acharya, Commissioner & Secretary to Governor aser Home Commissioner Nagaland, Shri Ramakrishnan, IAS aser Raj Bhavan Kohima o old age home nungi ketdangsertem aser staffs tem aruagi dena liasü.
Jeli Khristmas sentong nung CRC, D Block, Kohima, Pastor, Mhasishelie Theunuo-i Khristmas onük nung o jembi. CCRC, Upper PWD aser Open Shelter -Spartan Society, Kohima, Mulusolu Nyekha aser Bright Morning Star (Child Care Home) nungi tanurtemi kentenba nung shilem agia liasü. Sentong nung Banuo Koza-i menden agi.
Sentong tentenzüklen, Governor Acharya aser pa kinungtsü, Kavita Acharya nati Khristmas candle tem tsükloktsü aser Khristmas cake rangsa liasü. Iba sentong temer sülen telok chiyongba mapang agi.