Journalist atema tamajungtiba linük jenjang 5buba nung India lir

New Delhi, Luchii/December 19 (Agencies): Reporters Without Borders (RSF) osang ajanga ashiba agi, alima nung journalist tem atema tamajungtiba linüktem rongnung Afghanistan, Syria, Mexico, Yemen, India (jenjang 5buba) aser US densema lir.
RSF-i ashiba agi, taküm alima nung journalists ajak agi parnok 80 tashi tepsetogo aser parnok rongnung professional journalists 63 liasü.
RSF-i ashiba agi, taküm Journalist 348 apu, 60 pua ayu aser asem samaogo.
Journalist 80 tepsetba rongnung parnok 49 bo parnoki report asüba osangtem ajanga yimtenren lenirtem, rongsenkettsüng mesüra tamangba yimsü dak sendakba lenirtem amokmerentsüsa aliba ajanga tepsetbatem liasü.
Kasa osang ajanga, 2018 küm Afghanistan nung journalist 18 tepset, Syria nung 11, Mexico nung 9, Yemen nung 8, India nung 6 aser United States nungi journalists trok liasü.
RSF-i ashiba agi, takümbo Iraq nung journalist ka danga metepset.
India nung journalist trok tashi tepsetba ajanga rara adoka maliba linüktem nunga journalist tem amokmeren tia nung aliba kuli angur.
RSF-i ashiba agi, India kübok Bihar nung aliba yimtsüng ka nung tekolaki journalists- Navin Nischal aser Vijay Singh na tepset aser kasa anogo nung Madhya Pradesh nunga ‘sand mafia’ anema bushisüngdaner journalist, Sandeep Sharma dumper truck kati tsükset.
Taküm journalists 348 apuba nungi timtibaji China nung 60 liasü, Egypt nung 38, Turkey nung 33, Saudi Arabia nung 28 aser Iran nung 28 liasü.