Kevi asüba atema T R Zeliang-i mangyimer

Kohima, Luchii/December 19 (TYO): Dimapur nung senso tajung, Kevi Zakiesetuo, anojungi asüba osang angashia mangyimer, ta Opposition Lenir, T.R Zeliang-i sangdong ka ajanga metetdaktsü.
“Asür Kevi Zakiesetuo-i menden balala nung Naga lokti tenzüka liasü, aser pa ya yimjung meimba senso ka liasü. Pai Dimapur nung alirtem atema inyakba mapa tajungtemji teti bilemtettsü. Dimapur nung alir mezüngpur rongnung par kibong liasü, aser pa ya tangatetba aser tepuatsü aketba sempet aliba lenir tajung ka ama ni bilemteter,” ta pai metetdaktsü.
“Maochii nisung tepsetbaji ni sashia aitsür aser state sorkar dang akokba tashi tekaraba nung aibelenertemji pua ochi temeden agutsütsü ni mepishir. Ni mangyimer kibong den mangyim tejashi lemsatepba den külemi ajak takoksang Tsüngremi par kibong züngsem ajak den medemertem aser kinüngertem nem tesüneptsüba tanela agujang ta sarasademer. Pa tanela tatem makai tesünep nung anisüngzükdakjang,” ta paisa lemsatep.