Yisu Khrista aser Dr. E.W. Clark na tasem kar nung medemdangba

~  Nukshi Aier, Dimapur

1. Yisu Khrista dang tama baptitsüba Yohan aru.
– Dr. Clark tang tama Godhula tenem limai yok.
2. Yimjung chuba chir aso – Nazaret nunger Yisu – Yihuda nunger chuba- tekolak ret ta ajaba tesem tonga kangki taret aben.
– Dr. Clark America nung aso – Sibsagarh Printing Press Suptd. – Tekolak bushiba tenem kintem dangi tekümtet osang aben.
3. Yisu Khrista küm ter ana asüdang Yirusalem tenla ki nung – tesayurtem o anga-a aser asüngdangtepa liasü.
– Dr. Clark küm ter pezü asüdang – Arogo nung züngsem küma liasü.
4. Yisu Khrista – Yeriko lenmang nung aodang ali melen sarur tongtiba aser takar Zakai den jembia Ni ner kidang anentsü ta ashi aser Zakai pelashishia Yisu Khrista aniket.
– Dr Clark temba Ungma tsüngrem tainer Jongshinokdang Ungma yimti nung ajurutepdang tambui Dr. Clark nguli-e-tamasa anembong aliba süngojong alangzüka indoker pelashishia par kidang anendaktsü.
5. Yisu Khristaia nisung dak nungi temenen tanüla aridokba ngua -temenen chuba Belzebub ta aja.
– Dr. Clarki itangiter asütsü ta tamasabo mulung malem bilem südi.
6. Yisu Khrisai ashi – Peter nokji nokleptsü nung semang.
– Dr. Clark dak matsüng ali nung Jangokba nü atsüteta – meyipa agütsü.
7. Yisu Khristai tesem aika nung sayatenya, tesüngmangtsütem inyakba ngua süngmanga jentipur temulung meyipa amang aser arogo shia tamangertem renloka ao.
– Dr. Clark Ao lima nung yim aika sema senzü-nüburtemi pa agizük-mapa tajung jenti asameyanga inyak aser tekümtet osang sangdongtsü lemang sadema lapokyonga ao.
8. Tasü madak takok ngur shia aruba Yisu Khristai ashi – Ni alima tesangwa-ni alima koktetogo-nenoki oang aser kintem ajak nütsüng kümdakjang-aser ajiang alima matem tashi ni nenok den teti dena lir.
– Dr. Clark taküm otsü aser pa mapatem Naga kintem asoshi “senti long” ama- külen Assam lenden nungi külen Burma artsü tonga Osangtajung sangdongtsü pai mekazüka yutsü – tanübo kinük ajakleni tekümtet osang sangdonger.
9. Yisu Khristaji – Tarak maket – Tanüla Temeshi – Taküm bendang agütsüsang. – Tekümzüker tulutiba. – Taneptsür tajungtiba. – Temeim taroktiba. – Tesüngmangtsü ain aketsang.
– Dr. Clarkji – Teyanglur Sendong angatetsang- Pa taküm ar tokdang. Pa tekümtet osang abensang. Pai taremzük temeim nung atasa. Pa kaket zülur ka. Pa Engineer ka ama. Pa atsü anepalur ka ama.