Na aser ner kibong takum Khristmas-ji kechi koma ka amongtsü renemer ?

~  L. Kika Pongener.

(Taoba adok nungi…)
Temeim tamanger tajungtem, Na aser ner kibong asoshi-a Khristmas tetezü-ji Kechi? Na aser ner kibong-ia Khristmas benjong-ji kechi koda ka tangatetba nung amungtsü yongyaseta atar? Ner ama takar-tulur kibongtem den Shijep tulu-lu, Cake tulu-lu aser senpet tulu-lu agütsütepa amungtsü yongyaseta atar asü? Maka-maiter, timtemer, sensaker, meshi-mejunger, leni-maor, kibongtem den ner akaba nungi teyari agüja lemsatepa amungtsü yongyaseta atar asü? Mesüra Herod chubai noklang nok amer kinü tanur tebur chanu ajunga tepseter, pa yimli nung mangyim jashi agi süngdaktsüba amai, machi-majemtsü chia-jemer, yi agi meseper ner kibong nung, ner kiyong-mepu nung, ner yimti nung nüburtem nem asaperang, rongrongshishi, rarapangsen adokdakja, timtem agüja amungtsü yongyaseta atar asü? Ner taka-tait shisanga, tzüma-longmar Hindu nunger yimsu benshia bomb tapu tapu pokshia Khristmas benjong amungtsü yongyaseta atar asü? Arung taküm 2018 küm Khristmas benjong yabo kinü Yisuji asen mulungjang nung aser asen kibong nung aita sodaktsür asüngteta, meshiteta amungtsü renema atadi.