Advisor, Haiying-i Noklak nung Ayush hospital semzüktsü

Noklak, Luchii/Deember 20 (TYO): Tang tasen yangluba yipden 30 aketba AYUSH Hospital ka Noklak nung Luchii/December 18, 2018 nü Advisor Prisons, Printing & Stationary, H. Haiying-i semzüktsüogo, ta ketdangsertem osang ka ajanga metetdaktsü.
Iba sentong nung jembidang Advisor-i, AYUSH Hospital amenokba ya Noklak nunger atema kanga tia kar, ta shia iba hospital ajungtsü atema ajaki pei akokba yari inyaktsü ayongzüka liasü.
Paisa iba hospital yanglutettsüsa shilem agirtem aser ali kiburtem dang pelaba lemsatep.
Pai department danga nüngdakba nüburtem tajungtiba nung tenzüktsü atema iba hospital nung nüngdakba facilities aser staff peria agutsütsü mepishi.
Iba sentong ya Dr. Seyiekhrietuo John leniba nung agi aser Chief Medical Officer, Tuensang-i iba hospital indang tongmelang agi lemsatepa liasü aser tatemsa Assistant Director AYUSH DH&FW, Dr. T. Bendangtula-i tepela anküp o jembia liasü, ta kasa osang ajanga metetdaktsü.