Steven Smith BPL nung masayatsü

Luchii/December 20, 2018 (Agencies): Tenokdangba agütsür aliba Australia nunger cricket asayar Steve Smith, Bangladesh Cricket Board (BCB)-i 6buba Bangladesh Premier League (BPL) nung masayadaktsütsü telemtetba agiogo.
Board-i shidi ka ajanga Players’ Draft Rules temulungdang yur parnoki BPL Governing Council telemtetba benoka domestic T20I tournament nung Smith masayadaktsütsü telemtetba agiogo, ta ashi.
“Players’ Draft Rules ajanga franchise tem nem players’ Draft list tema nungi indang indanga sign asüba asayar melentsü asoshi temelaba magütsür aser 11.12.2018 nü club timbakati mulunga telemtetba agiba temulungdang yur Board-i BPL Governing Council telemtetba benoka taruba 6buba BPL T20 tournament 2019 nung Steve Smith Comilla Victorians nungi masayadaktsütsü telemtetba agiogo. Temalen shisema aliba kulitem ajanga Smith Comilla Victorians nung züngoksemtsü asoshi memelatsü,” ta BCB sangdong ka ESPNcricinfo-i metetdakja liasü.
Comilla Victorians puri Sri Lanka nunger asayar Asela Gunaratne melena Smith den tenangzüktepba ka yanglu saka BPL temzüng kübok asayartem ya player draft nung alirtem dang melentettsü tetuyuba agüja lir aser Smith ya iba draft nung densema mali.
BPL technical committee mendenbuba Jalal Yunus aser franchise tem tenüng nung ketdangsertem senden nung tanga BPL franchise temi temzüng nung temelenshi bener aruba ashishia liasü koba telemtetba ka magiteti tembang. Iba senden sülen technical committee mendenbubai, iba ken o nung tatembangbuba telemtetbaji BCB-i agitsü, ta ashi.
Smith shiba tang, Metsüremi/March South Africa den test asaya mapang ball-tampering ken o nung densemba sülen ita 12 asaya nung shilem magitsü asoshi tenokdangba agüja lir, pa international aser domestic Australian cricket nung shilem agitsü asoshi memelar.
Pa Indian Premier League nunga asayatsü asoshi memelatsü. Ajisüaka pa Global T20 Canada league aser Caribbean Premier League nunger nung shilema giogo aser tawa pa lenisüba kübok Sutherland puri New South Wales Premier T20 title benogo.