Bangladesh International Junior nung Ruhi Raju-i silver angu

Dhaka, Luchii/December 20 (Agencies): Dhaka nung Luchii/Dec. 20, 2018 Yangtepnü/Thu. Bangladesh International Junior (U-19) asayamung tetsür kija final asaya nung Suchitra Badminton Academy nungi asayar Ruhi Raju-i silver medal ngua liasü.
Ruhi, shiba asayamung seed temaba jenjang nung lir, la final asaya nung Treesa Jolly-i 15-21, 11-21 agi koka liasü.
Arishi küm 15 tain Ruhi-i semi-final asaya nung Bangladesh under-15 nung No.1 player Rahima 21-17, 21-17 agi tsükdaja final tonga liasü.
Quarter-final asaya nung Ruhi-isa Bangladesh tsür Rasma Akter 21-11, 21-12 agi koka liasü.
Taküm küm Rongjui/Sept. nung Ruhi-i BWF world junior ranking nung No. 26 tongtetta lir.
Lai 2017 küm USA nung American National Junior badminton asayamung nung takok ngua liasü.
Iba asayamung nung Ruhi indang coach Indonesia nunger Yonathan Dasuki-i, Ruhi asayaba yimyatem asadanga nungitba asoshi Ruhi-i pa nem tenüngsang agütsü. Badminton asayar tejen Dasuki-i taoba badminton asayar rongnung world no. 10 jenjang tashi tongtetta asayaaogo.
International jenjang nung shilem agia asayar tajung ka akümtsü Ruhi dak sempet lir, ta Dasuki-i ashi.