India tsür team coach asütsü WV Raman shim

Luchii/December 20, 2018 (Agencies): Taoba India cricket team opener W V Raman-i South Africa nunger Gary Kirsten ajateta India tsür cricket team coach asütsü shimogo. Raman ya tang National Cricket Academy, Bengaluru nung batting consultant lir. Pa ya taoba India team captain Kapil Dev, Anshuman Gaekwad aser Shantha Rangaswamy nungeri kümtetba ad-hoc committee ka ajanga shima liasü.
Iba panel ajanga Kirsten, taoba India pacer Venkatesh Prasad aser Raman nunger tenüng benoka liasü. Osang ka ajanga ashiba agi, iba osang ya Yangtepnü mesera Rogonü official sangdongtsü.
Supreme Court-i shimtsüba Committee of Administrators (CoA) telung nung Diana Edulji aser mendenbuba Vinod Rain a tsüngda mangatettep adoka aliba mapang ka nung coach tasenba ya shimogo. BCCI treasurer Anirudh Chaudhry-i ashiba agi, inyakyim ajak ya board tenüng nung marur.
WV Raman ya India nunger rongnungi 1992-93 South Africa tour mapang mezüngbuba century yanglusang ta ajaki bilemteter. Pai test 11 aser ODI 27 asayaogo. Pai taoba mapang nung Tamil Nadu aser Bengal Ranji Trophy team aser India U-19 tem coach mapa inyakogo.
Kirsten shibai India tebur team 2011 World Cup takoki ania liasü, pa shimtsü ajaki imlaa liasü saka pai tang tinyakdak Indian Premier League club Royal Challengers Bangalore coach mapa metoktsünüba ajanga meshim. “Pa temaba jenjang nung liasü saka pai RCB mapa metoktsünü. Ajitasüaka Raman ya tetemsü lir, kechiyong team-i tang batting coach ka nungdaker,” ta BCCI ketdangser kati ashi.