1buba Arrenpong Sports Festival takok nung tembangogo

Mopungchuket, Luchii/December 20 (TYO): Mokokchung District Sports Council (MDSC) akhüm kübok Mopungchuket Ait Laishir Telungjem (MALT)-i achaayanga mezüngbuba Arrenpong Sports Festival tanü Yimli Ground, Mopungchuket nung tembangogo. Anogo asem asayamung ya jenjang ana küma lemsar asayaa liasü; Arrenpong Open aser intra-Mopungchuket.
Open tetoktepba tem Luchii/December 18 nü agia liasü kong Mopungchuket Cross Country Run, Futsal Championship, Fastest Bowler Competitions aser Sand Volleyball Championship asayaogo. Kasa mapang nung intra-Mopungchuket tetoktepba ya Luchii/December 19 aser 20 nü asayaa liasü, kong Football, Volleyball, Basketball aser Table Tennis asayaogo.
Intra-Mopungchuket tetoktepba kübok football final asaya nung MALT Impur-i goal 2-0 agi MALT Mokokchung akok. Maneni tetsür Basketball asayaa MALT Impur-i kokogo. Final asaya nung parnoki MALT Kohima koka liasü.
MALT Tzüdikong-i tebur Volleyball asaya aser MALT Dimapur-i tetsür Volleyball asaya kokogo. Parnoki final asaya nung MALT Yimli and MALT Impur koka liasü. Tebur table tennis final asaya nung MALT Impur-i MALT Kohima akok aser tetsür asaya nunga MALT Impur-i MALT Kohima kokogo. Asayamung nung MALT Impur over-all champion liasü aser asaya ajak nung takok angurtem nem kuli kaket, medal aser senpet agüja liasü.