“Nightingale of Assam” Dipali Borthakur süogo

Guwahati, Luchii (December) 21 (Agencies): Assam nung kentener tajung Padmashree Dipali Borthakur Hokolbarnü asü.
La mapang talangka temang manemi aruba sülen Nemcare Hospital, Guwahati nung arishi küm 77 lia asü.
Asür Borthakur-i 1998 küm India nung civilian award pezübuba- Padma Shri agizüka liasü.
La indang kentem teimba ka Assamese oshi nung atener aser la dang “Nightingale of Assam” ta ajar.
Lai la kinungbo painter Neel Pawan Baruah toktsür asü.
1970 tetenzüklen la dak motor neuron disease aliba putet. 1976 küm lai Nilpaban Baruah den kibong aküm aser tangar atema tatishitsü süa pai la meimba sayua la anepaluyonga aru. Asür Borthakur ya wheelchair nung dang mener senzüa liasü.