Guillermo Del Toro-i ‘Terrified’ produce asütsü

Luchii/December 21 (Agencies): Oscar Award angusang aser film yanglur Guillermo Del Toro-i ‘Terrified’ film tanaben English oshi nung yanglutsü asoshi osang metetdaktsüogo. 2017 küm sayaba ‘Terrified’ ya Argentina indang horror film ka lir aser Fox Searchlight ajanga iba film ya tanaben english oshi nung yanglutsü, ta osang ajanga jangjatsüogo.
Director Demian Rugna-i iba original film script zülua direct süa liasü aser osangtem ajanga ashiba agi, tanaben yanglutsü aliba film ya Demian-isa direct asütsü.
‘Terrified’ original film nung Ariel Chavarria, Maximiliano Ghione aser Norberto Gonzalo nungeri tongti shilem agiogo.