Jane Fonda-i Stanley Kramer Award agizüktsü

Luchii/December 21 (Agencies): Producers Guild of America’s (PGA) 2019 sentong nung actress tejen, produce aser activist Jane Fonda nem Stanley Kramer Award agütsütsü ternemba lir.
Hollywood Reporter sangdong ajanga ashiba agi, Beverly Hilton Hotel nung Aenjeti/January 19, 2019 nü agitsü aliba 30buba ‘Producers Guild Awards’ sentong nung actress, Fonda nem iba tetushi sempet agütsütsü.
Iba award sentong ya 2002 küm nungi tenzüka agia arudar aser producer maparen nung mesüra kijatem, shirnoki lokti atema mapa tajung inyaka shilem agirtem nem award ya agütsür.
1971 aser 1978 küm sayaba film ‘Klute’ aser ‘Coming Home’ atema Academy Award anaben angula Jane, lai yimtenren aser lokti tsütsü shilem tajung agia nungitba asoshi sentong ketdangsertemi Jane shima liasü.