‘Bad Boys for Life’ nung Vanessa Hudgens denogo

Luchii/December 21 (Agencies): Taruba ‘Bad Boys for Life’ movie nung Charles Melton aser Alexander Ludwig na den actress Vanessa Hudgens adentsü, ta osang ajanga jangjatsüogo.
Arishi küm 30 tain Vanessa-i ‘High School Musical’ film series nung Gabriella Montez shilem agiba ajaki jangjaa lir.
Ajaki kanga dang yongya ataba thriller/mystery franchise nung Will Smith aser Martin Lawrence na den longjema Vanessa-i shilem agitsü ternemba lir.
Iba film nung ‘Riverdale’ star Charles Melton aser ‘Vikings’ actor Alexander Ludwig na den longjemtsü asoshi kanga yongyar, ta Instagram ajanga Vanessa-i lemsatep.
Bad Boys indang project tasenba nung par asem (Vanessa, Charles aser Alexander) yagi Miami police squad shilem agitsü kong Detective Mike Lowry (Will Smith) aser Marcus Burnett (Martin Lawrence) na den par asem mangatetep adoker.
1995 aser 2003 küm sayaba film ‘Bad Boys aser iba den tatongtep ‘Bad Boys II’ nung Will aser Martin nati tongti shilem agiba ajaki jangjaa lir.
2011 küm ‘Big Mommas: Like Father, Like Son’ aser 2014 TV series ‘Partners’ nung Martin-i shilem agiba sülen tang Bad Boys sequel nung shilem agitsü renemdar.
‘Bad Boys for Life’ film yanglutsü asoshi tesüiba küm ishika tejakdang nungi film yanglurtem ternemba liasü saka Will Smith project balala nung mazüngi aliba ajanga iba maparen thinena arur taküm küm Mongputeni/October nungang Sony Pictures-i iba film yanglutsü asoshi osang tejangja sangdongogo.
2019 küm tetenzüklen film dak sendakba maparentem tenzüka aotsü asalentong yangludar aser film ya Aenjeti 2020 nung sayatsü imlar.