Yamaha YZF-R1 GYTR Special Edition sangdongogo

Luchii/December 21 (Agencies): Yamaha-i parnok indang nüngtugu supersports bike – YZF-R1 GYTR “20th Anniversary” edition sayaba sangdongogo. YZF-R1 GYTR special edition ya ‘racetrack-ready circuit motorcycle’ ka asütsü aser company-i iba motorcycle ya unit 20 dang yanglutsü.
Motorcycle jenjang ya Euro 39,500 (sen 31,61,754) asütsü. Yamaha YZF-R1 GYTR “20th Anniversary” edition nung Yamaha Factory Racing Team indang livery keta lir. Iba livery design ya küm shia sayaba Suzuka 8 Hours asayamung mapang Yamaha motorcycle YZF-R1 GYTR nung amshia lir.
Iba asayamung nung Yamaha-i pezüben tashi atonga takok ngua parnoki yangluba record ajatetta ano tanaben record tasen yangluogo aser ‘special edition’ ya iba motorcycle ajanga ajungmesoba ka asütsü.
Yamaha-i küm 20 tashi takok ngua sports bike yanglua aruogo aser iba nüngtem nung special edition ya yanglutsü.
Iba special edition motorcycle nung quick throttle, spark plugs aser communication control unit (CCU) densema GYTR (Genuine Yamaha Technology Racing) equipment balala inoka yanglutsüogo.
Company-i ashiba agi, iba special-edition motorcycle ya unit 20 dang yanglutsü aser motorcycle engine shia ya talirtem atsüa arutsü atema standard dang nungi yimya balaka ka tuning sütsütsü.
Motorcycle ya taruba küm Metsüremi 2019 nungi ayok tenzüktsü. Ajisüaka, motorcycle ya lenmang nung amshitsü atema register mesütettsü saka circuit/racing track nung anishitsü atema lir.