Sen 101 agütsür Vivo Smartphone ka alitsü akok

New Delhi, Luchii (December) 20 (Agencies): Christmas aser New Year benjung atema Vivo India-i tanü ‘New Phone, New You’ ta ser offline offer ka indang osang metetdaktsüogo.
Iba offer ya anogo 41- December 20, 2018 nungi January 31, 2019 tashi India ajungalen angutsü. Iba mapang customer temi Rs 10,000 tema alangba Vivo smartphone ka mezüng Rs 101 agütsür alitsü akok aser iba sülen EMI kasasa 6 nung phone indang jenjangji agütsütsü akok.
Iba offer agitsü atema item ya inyaktsüla:
1. Vivo-BFL mapped partner stores 45,000+ dak tema nung angutsü.
2. KYC document (PAN Card, Voter ID card, Aadhar Card etc.) abentsüla.
3. Vivo smartphone (NEX, V11, V11 Pro, Y95, Y83 Pro, Y81-4G) ka shimang.
4. Mezüng atema sen 101 agüjang aser KYC documents agüjang.
5. Nai shimba smartphone indang jenjang (MOP) ji EMI 6 atema kasa lemsatsü.
Vivo-isa tsünglanglen agüja aliba offer agütsür.
* Credit/Debit cards EMI transactions, Credit card regular transactions aser HDFC CD paper finance ajanga HDFC ZERO Down Payment offer den 5% Cashback.
* EMI 6 atema HDB ZERO Down Payment offer.
“Christmas aser 2019 amungtsü atema yongya atadang India nung consumer tem onoki yarinür. 2019-i ajemokdang consumer tem Vivo device tasen ka amdaktsünüba agi onoki ‘New Phone, New You’ offer ya agütsür” ta Vivo India Senior Vice President, Jerome Chen-i ashi.
“Küm Tasen nung onok Vivo nung alirtemi customers peladaktsünür aser pelashishia Vivo alidaktsünür” ta Chen-isa shisem.
Nisung ajaki Vivo smartphone amshitettsü atema Vivo-i Bajaj Finance, HDFC, HDB aser Capital First den senotsü agütsütsü tesentaktep yanglua lir.