Sikkim nung kibong shia nem mapa ka ka agütsütsü

Gangtok, Luchii (December) 21 (Agencies): Sikkim sorkari ‘One Family One Job’ scheme kübok lanur 17,000 nem mapa agütsütsü.
Iba scheme tenzüktsüdang Chief Minister Pawan Chamling-i lanurtem dang aluyimba mapa inyaktsü ayongzük.
Sikkim ya India nung mezüngbuba organic state lir anungji aluyimba ya tajangzük aketba mapa tajung ka lir, ta pai ashi.
Iba scheme kübok tangutsüpurtem shimtsü atema ketdangsertemi jungjunga osang metetpelaba sülen ang tenüngtem agütsütsüla. Sorkar mezüngbuba maongkaji ad hoc tesayurtem nem agütsütsü, ta Chamling-isa shisem.
Sikkim nung iba welfare scheme tenzüktsüba ya November 14 nü Chamling-i mezüng tebilemba lemsatep. January 2, 2019 nungi beneficiary tem mapa inyaktsü atema December ita policy decision agitsü, ta paisa metetdaktsü.
East Sikkim nung ayonga agiba state-level Panchayat and Organic Growers’ Sammelan nung tanü Chamling-i o jembidang, “Krishi Pension tenzükba state mezüngbubaji Sikkim lir” ta ashi.
Iba pension ya Sikkim nung arishi küm 50 ser temapur aluyimer aser aluyimba mapa dak sendaka alir ajak nem ita shia Rs 1,000 agütsür.