Assam tsür Smita Deb-i Mrs Universe Lovely 2018 takok korang angu

Kokrajhar, Luchii (December) 22 (Agencies): Assam nung college tesayur aser model Smita Deb-i Mrs Universe Lovely 2018 takok korang nguogo.
Philippines kübok Cebu yimti nung iba tetoktepba ya Waterfront Cebu City Hotel-i December 10 nü ayonga agi. Alima tesem balala nungi tetsür 88-i iba tetoktepba nung shilem agi.
41 buba Mrs Universe Lovely 2018 tetoktepba ya kibong kümer aliba tetsürtem atema ayonga agi.
Smita ya Science College, Kokrajhar nung Assistant Professor aser Styling City Unisex Studio, Silchar kibur lir.
La ya model, makeup artist aser documentary filmmaker ka lir aser Assam University, Silchar nung PhD tezüngdak lir.
Smita ya BTAD IGP Anurag Agrawal kinungtsü lir aser taküm May ita Gurgaon, New Delhi nung “I Am Me Mrs Royal India Universe 2018” takok korang angu.
Mrs Universe Lovely 2018 tetoktepba nung Smita-i Northeast India indang sobaliba dak sendakba sübotsü agi.
Mrs Universe 2018 Forum nung la indang presentation ji ‘Domestic Violence’ liasü aser idangji lai tetsür nem angati education agütsütsü indang nüngdakba jembi.
Shisaliok ajanga tetsür kati la indang temetentem metettsü aser la tashi aittsü atema maongkatem angutsü, ta laisa shisem.
Smita-i la onük tembangdang “Recognize it, Report it and Prevent it” ta osang tajung ka sangoktsü.