Margaret Zinyu-i WCC Award of Excellence 2018 agizük

Luchii/December 22 (Agencies): Tawa agiba World Craft Council Award of Excellence 2018 sentong nung Kevisedenuo Margaret Zinyü-i award ngua liasü, ta osang ajanga metetdaktsü.
Nagaland aser North East India nungi iba amala sentong ka nung award angur rongnung Margaret mezüngbuba kümogo.
World Crafts Council-i WCC Award of Excellence 2018 indang final result osang ya sangdong, kong takok angur rongnung Kevisedenuo Margaret Zinyü densema liasü.
Iba award angur tenüngtem ya WCCAPR website wccapr.org indang link http://ensdemos.com/wccapr.org/news/news_events_det/219 nung aguja lir.
Award osang ya WCCAPR, South Asia, Vice President Manjari Nirula-i sangdonga liasü.
2005 küm Kevisedenuo Margaret Zinyü ya National Institute of Design (NID), Ahmedabad nungi graduate süa liasü.
2014 küm la tenüng (label) nung sü tapu balala atakba angsü (Woven Threads) adokogo. Nagaland nungi lai la indang collection den tetsür teka mapa balala tem yanglua liasü.
Nagaland nung teka agi sü tapu balala atakertem (weavers) atema tanga teyari magi pei sasa inyaka telok tentettsü ya Margaret mangdang lir. Industry balala nungi talisa automobile, sübosülemtsü (clothing), paper industry aser museum design inyakyimtem angazüka la mongin kümogo.
Trend/fashion bushisüngdangba aser ‘colour forecasting’ tsütsü Margaret-isa training agütsür aser sayur.
World Crafts Council ya 1964 tenzüka liasü. Iba senden ajanga teka mapa balala inyakba (crafts) aser artist ajungkettsü asoshi alima tesem balala nungi craft inyakertem aser telok tentettem longjemtsür. WCC indang züngsemtem ya Europe, Asia, North America, Latin America aser Africa tesem nungi lir.
World Crafts Council (WCC AISBL) ya tajangzükba magiba (non-profit) aser mulungtet telok ka lir. WCC ya UNESCO den sentaktepa lir.