CYAJ Golden Jubilee tenzükogo

Jakhama, Luchii/Dec. 22 (TYO): Honibar nikongdang St. Mary Catholic Church, Jakhama nung anogo ananü Catholic Youth Association Jakhama (CYAJ) Golden Jubilee benjungmong tenzüka Rev. Fr. Charles D’Souza SJ-i sarasademba sülen CYAJ wako salaja liasü.
Jubilee tetenzük sentong nung Rev. Fr. D’Souza-i, Golden Jubilee mapang ya aluyimba li anisüngzükba mapang ka aser küm ka piyong Tsüngrem nem tenla agüja tejashitep, ain adokba aser tsükchitep anentsü mapang ka lir, ta metetdaktsü.
Paisa lanurtem dang pei tsüraburtem atema Tsüngrem nem tenüngsang agutsütsü aser Tsüngremer temoatsü atema tenüngsang agutsütsü ayongzük.
Tanep iba sentong nung Keleto John-i Lai azüng aser Administrator St. Joseph ‘S College, Rev. Fr. Benny Varghese-i Jubilee sempet indang temoatsütem agutsü.
Arogo nung arishi küm 80 aser iba dak dak temapur nema tetushi agüja liasü. Vikukhoto Johnson aser par medemertemi ken ka aten; iba sentong ya Kikozol Richard leniba nung agi.