Centre-i NE kaketshirtem atema sen crore 309.95 agütsüogo

New Delhi, Luchii (December) 22 (Agencies): Centre-i Ishan Vikas aser Ishan Uday scheme tem kübok Northeast nungi kaketshir 68,207 atema sen crore 309.95 agütsüogo.
Scheme ana ya Northeast state nungi kaketshirtemi science, technology, engineering aser mathematics azüngtsü atema lir. Scheme ajangasa tongtipang rejutem nung azüngba engineering college kaketshirtem nem internship agütsütsü teyari agütsür.
Lok Sabha nung Union Human Resource Development Minister Dr Satya Pal Singh-i ashiba agi, Ishan Vikas nung Indian Institute of Technology (IIT), Guwahati ajanga yariteper.
“Iba programme kübok North East State tem nung shimtetba kaketshirtem vacation mapang the Indian Institute of Technology (IITs), Indian Institutes of Science Education and Research (IISERs) aser National Institute of Advanced Studies (NIAS) den tongteper aser parnoki science, technology, engineering aser mathematics azüngtsü ajungmesor” ta Dr Satya Pal-i ashi.
Kümshia kaketshir 96-i linük nung tongtipang rejutem semdangtsü aser engineering students 250 nem summer internships agütsütsü alizüng yua lir. Iba programme atema sen lakh 605.45 agizüka lir.
2014-15 nung iba programme tenzükba sülen kaketshir 1637 (tebur 922 aser tetsür 715) aser engineering students 378 (tebur 266 aser tetsür 112) tashi tajangzük nguogo.
Ishan Uday Scholarship Scheme ya University Grants Commission (UGC)-i ketdangsüa inyaker.
Iba scheme kübok Northeast nungi kaketshirtem (küm nung sen lakh 4.5 tashi anguba tsürabur) nem general degree, technical and professional degree courses (medical & para-medical courses) azüngtsü atema scholarship agütsür.
Iba scheme kübok beneficiary nem küm nung sen 10,000 agütsür. Iba scheme kübok scholarship ji ita nung sen 5400 (general degree course) aser sen 7800 (technical, medical, professional, paramedical courses) agütsür.