ULFA tanishir Rajkhowa-i UIPC senden nung adentsü

Agartala, Luchii (December) 22 (Agencies): Honibarnü ULFA Chairman Arvind Rajkhowa-i Tripura nung United Indigenous Peoples’ Council (UIPC) indang senden ka nung aden.
UIPC ya Tripura nung temai adokba telungpurtem indang sabang ka lir aser Rajkhowa-i tanü mezüngbuba atema Tripura semdanga iba senden nung aden.
ATTF tanishir Ranjit Debbarma aser taoba NLFT lennir Suran Debbarma nati yashi Agartala airport nung Rajkhowa pela agizük.
Khowai kübok Tulashikhar nung ‘Tring’ benjung nung adentsü atema Rajkhowa jaok, ta Ranjit Debbarma-i ashi.
“Sorkari tebilemtsütem atema mapa kecha meinyaktsüra, temai adoka aliba telungpurtemi aremi meyipa aitsü akok. Nisung kija shiai taküm tiptema linür saka linük meimba yong kar telungi ai,” ta Rajkhowa-i osangbener den jembidang ashi.
Telungpur kari Centre sorkari teyari agütsütsü ta ashiba anga temai adok, saka nangzükba ama mapa meinyaktsüra kechi asütsü? ta paisa asüngdang.