Kiphere aser Mon nung Army nung shimtsü

Dimapur, September 10 (TYO): PRO (Def), Kohima, Lt Col Emron Musavi-i sangdong ka ajanga 164 Infantry Battalion (Territorial Army) (Home & Hearth) NAGA-i Kiphire district nung October 05-06, 2015 nü Helipad Ground Kiphire nung sepai 15 (General Duty), Clerk (Staff Duty)-01 aser Chef Community (Cook) ka shimtsü aser Mon district nung October 15 -16, 2015 nü DC Ground Mon nung sepai (General Duty) 13 shimtsü, ta metetdaktsüogo.
Kiphire aser Mon district na nungi tejangrar candidate temi pei tesem anepdang 6:00 ako nung tonga arutsüla. Tetendangba anogo nung candidate temji arishi küm 18 nungi 42 tsüngdapur asütsüla, temang touzük tajemba agia seret 50 (minimum weight 50 Kg), tar tasazük tatsüba agia cm 160 cm aser teku tasazük ishiba agia cm 5 atsür/zükteter (expand) cm 77 bosa asütsüla, ta kasa sangdong ajanga ashi.
Sepai (General Duty) atema tazüngba (education qualification) class 10 pass aser scheduled tribes atema class 8 pass, Chef Community (Cook) atema class 8 pass aser Clerk (Staff Duty) Class 12 pass den stream (Arts, Commerce, Science) mashi ka nungi 50% aggregate marks aser subject shia 40% marks iba den külemi class 10 mesüra 12 nung English aser Maths agiba mesüra Accounts mesüra Book keeping compulsory subject agirtem asütsüla, ta kasa sangdong ajanga metetdaktsü.
Physical training dress semer teptsü (tattoo) tepa aliba angur candidate tem magizüktsü aser Nagaland state nungi indigenous Naga Tribals asütsüla. Candidates ket nung Board Certificate densema tazüngba kuli tejangja bena alitsüla. DC mesüra ADC-i agütsüba Domicile Residential Certificate alitsüla aser coloured passport noksa 6 alitsüla.
Character certificate tasentiba (tesüiba ita trok tsüngda indang) Ration Card/Voter Identity Card aser Civil/Govt employer nungi No Objection Certificate alitsülaiba den arishi küm 21 tekübok candidate ket nung yimtsüng ketdangser nungi seal dena aliba Unmarried certificate alitsüla, ta kasa sangdong ajangasa metetdaktsüogo.