Kohima Police-i SP mozü süngjang 40,113 apu

Kohima, September 10 (TYO): September 09, 2015 nü Kohima police-i Peducha check gate nung gari mita reprangba mapang Manipur leni aoba bus B/R No. MN-01-1664 nung Spasmo Proxyvon mozü süngjang 40,113 puogo; market nung sen 4,01,130 jenjang mozüji polythene yangkutem nung seper liasü, ta tanü Sr. Superintendent of Police Kohima, Nagaland-i sangdong ka ajanga metetdaktsü.
Iba dak sentakba nung Imphal East, Manipur, Hatta Mana Ingkhai yim nungi Md. Liyakat Ali’er jabaso Mujahid Ahmed puogo aser pa anema Sechü (Zubza) P.S nung ken o ka benokogo.
Tang bushisüngdang tagitak lir aser bushisüngdangba ajanga mozütemji kong ali aser kongi bener aorba liasü’ar ibaji jangjatsü iba den külemi inter-state nung mozü shishilembartem inyakyim jangjatsü, ta kasa sangdong ajanga shisem.