Tesüiba küm 5 tsüngda yaküm December ita temekongba liasü

Pune, January 05 (Agencies): 2014 küm nungi tenzüka tesüiba küm pongu tsüngda 2018 küm December ita temekongba liasü aser tesüiba küm 10 tsüngda 2018 Decembe ita ya temekongtiba jenjang asembuba liasü.
2015 küm December ita nungi tenzüka India nung ‘above-normal temperatures’ ajangshia arudar. 2018 küm December ita nung kanga mekonga liasü, kechiyong linük tesem aika nung low minimum temperatures liasü. West Bengal kübok Darjeeling aser Sikkim tesem aika nung tang mezüng rürjep laogo.
Osangbener den jembidang Climate Monitoring & Analysis Group, Pune nung tongti, A K Srivastava-i, 2009, 2011, 2012, 2013, 2015, 2016 aser 2017 kümtem nung December ita ‘average monthly temperature’ tua liasü, ta metetdaktsü.
Pai ashiba agi, tesüiba küm 10 tsüngda 2010, 2014 aser 2018 kümtem nung December ita average temperature normal dang nungi tajemba liasü.
Srivastava-isa, item küm asem nung December 2010 temekongba liasü aser iba mapang nung average monthly temperature -0.22 degrees C liasü, December 2014 nung -0.1 degrees C aser December 2018 nung -0.07 degrees C liasü, ta metetdaktsü.