‘Sonchiriya’trailer Aenjeti/January 7 nü sayatsü

Aenjeti/January 05 (Agencies): ‘Sonchiriya’ film yanglurtemi Aenjeti/January 7, 2019 nü iba film indang trailer ka sayatsü ternemba lir.
Taoba küm Luchii/Dec. 7, 2018 nü film yanglurtemi ‘Sonchiriya’ indang teaser ka sayaa liasü.
Teaser osang ajanga angazükba agi, film ya 1970’s mapang jila tila ka nung ozüng anema inyaker telok kati nüburtem amokbanger aliba indang asütsü.
Iba film nung Sushant Singh Rajput, Bhumi Pednekar, Manoj Bajpayee, Ranvir Shorey aser Ashutosh Rana nungeri tongti shilem agidar.
Film ya tesüiba mapang nunger nung India kübok nisung tamajungtemi (dacoit) küm sa küm yimsü asüba indang lir aser film ya Abhishek Chaubey-i direct südar.
Taoba ‘Udta Punjab’ aser ‘Ishiqiya’ film naprong ya Abishek-i direct asü.
‘Sonchiriya’ film scene ya Madhya Pradesh tesem balala nung lemsar tangoka lir.
Producer Ronnie Screwvala shibai blockbuster film dang masü saka award anguba film tem yanglua lir, pai ‘Sonchiriya’ film ya present asütsü ternemba lir.