Chowkham nung Army-i Medical camp ayonga agi

Kohima, January 05 (TYO): Arunachal Pradesh tezülen aliba tesemtem nung Army temi anema alibaren jenjang ajungkettsütsü atema inyakba dak sendakba nung Chowkham nung Dao Division kübok Chowkham Battalion-i Medical Camp ka ayongzüka katsüogo, ta tanü Col C Konwer PRO (Defence)-i sangdong ka nung metetdaktsü.
Iba camp ajanga Gunanagar, Alubari, Namliang aser Chowkham nungi nisung 1900 dak tema tajangzük nguogo.
Indian Army nungi aser District Health Authority, Namsai nungi gynaecologist ka, eye specialist ka, medical officers asem aser dental officer adenba doctor team kati shilem agia nüburtem nem teyari agutsü aser angati mozü lema agutsüogo, ta kasa sangdong nung shia lir.
Anema alibaren tsütsü tangatetba alitsü atema health museum kata amenoka liasü. Iba sentong ayongzüka agiba atema district administration aser yimdak yimsüsürtemi Indian Army dang pelaba lemsatepa liasü.