AGP-i Citizenship (Amendment) Bill anema sentong aika agitsü

Guwahati, January 14 (Agencies): Asom Gana Parishad (AGP)-i Citizenship (Amendment) Bill, 2016 anema lungkak aitba sentong aika renemogo.
January 18 nü parnoki torch rally ka agitsü aser külen January 24 nü AGP MLA temi ghonda 10 lumia lungkak aittsü.
Iba sülen, January 30 nü AGP-i Assam kübok district ajak nung lungkak aitba sentongtem ayongzüka agitsü.
AGP-i citizenship bill onük atema Bharatiya Janata Party (BJP) den tesentaktep pila aser tang parnoki Bill anema mapa inyaktsü sentongtem atongogo.
Deobarnü AGP party president Atul Bora menden ser senden ka amendang taruba anogotem lungkak aitba sentongtem agitsü telemtetba agi.
Assam nung lisopurtem kümzüka ayutsü atema mapa inyaktsü ta AGP-i ashir.
Lok Sabha nung Citizenship (Amendment) Bill, 2016 agizükba anogo nung parnoki BJP den tesentaktep pilatsü telemtetba agi aser iba atema nisung aikati parnok nem tenüngsang agütsür.