US Open 2015: Paes o Hingis na mixed doubles final-i iogo

New York, September 10 (Agencies): India nunger tennis asayar mongin, Leander Paes aser Sania Mirza nati Switzerland tsür, Martina Hingis den külemi lungjemer tang tasayadak US Open asayamong mixed doubles aser tetsür doubles shilem indang final asayatsü jenjang tanü Brehostibar nü nguogo.
Tan asayamong nung 4 buba jenjang abener, Paes o Hingis nati minute 61 nung points 6-2,7-5 ngua India nunger Rohan Bopanna aser Chinese Taipei nunger Yung-Jan Chan na mixed doubles shilem indang semfinal nung tsükdaktsü.
Tenati America asayar, Sam Querrey aser Bethanie Mattek-Sands na den final nung ajuruteptsü.
Sam o Bethanie natia tanü points 6-4, 6-3 ngua Poland nunger Lukasz Kubot aser Czech Republic tsür Andrea Hlavackova na madak semifinal asaya akok.
Tetsür doubles shilem nunga Mirza o Hingis nati minute 77 nung points 6-4, 6-1 ngua Italy tsür Sara Erani aser Flavia Penenetta na semifinal nung tsükdaktsü.
Tenati Australia tsür Casey Dellacqua o Kazakhistan tsür Yaroslava Shvedova na aser Germany tsür Anna-Lena o America tsür Coco Vandeweghe na rong nung takok angur den final asayatsü.
Ano külen, tebur World No. 2, Roger Federer-i points 6-3, 6-3, 6-1 ngua France nunger Richard Gasquet madak quarterfinal asaya koka tebur singles semifinal asayatsü jenjang yashi Bodbar nü anguba osang jangjaogo.
Switzerland nunger Federer-i külem sensopur, Stanislas Wawrinka den semfinal nung ajuruteptsü.
World No. 5, Wawrinka-ia yashi points 6-4, 6-4, 6-0 ngua South Africa nunger Kevin Anderson quarterfinal nung tsükdaktsü.