Zunheboto district Planning & Development Board senden amen

Dimapur, Aenjeti/January 15 (TYO): Ita shia agiba Zunheboto, District Planning & Development Board senden Aenjeti/January 10, 2019 nü DC Office, Conference Hall nung menogo. Iba senden ya Additional Deputy Commissioner Zunheboto, Ajit K. Ranjan IAS lennisüba kübok aka. 2019 küm mezüngbuba senden asünung mendenbuba, Additional Deputy Commissioner, Ajit K. Ranjan-i küm tasen salem lemsatepba den board züngsem tasen aser tejen ajak pelashishia agizük. Iba sülen pai senden oki ala aser züngsem tasentem pelashishi agizükba o jembi.
Taoba DPDB senden minutes lepa reprangshiba mapang mendenpubai Zunheboto Town Council aser Urban Development department dang South Point anasa kilentzü aoba yangluba asadangtsü aser taruba senden nung osang tejangja agütsütsü tetuyuba agütsü.
Maneni 2019 Republic Day amungtsüba dak sendakba nung board züngsemtem sensaksema liasü. Mendenpubai, iba sentong dak sendaka aliba department ajak nem osang tejangja agütsütsü ta metetdaktsü.
Tsüklai/February ita atema Power Point Presentation ya S.E PWD (R&B) aser Sericulture Department-i yanglutsü, ta Zunheboto DPRO sangdong ka ajanga metetdaktsü.