Supreme Court-i Meghalaya nung nakmati abenba noktanger

Guwahati, January 15 (Agencies): February 19 tashi Meghalaya nung nakmati shibelen masütsü atema Mongulbarnü Supreme Court-i tetuyuba ka agütsüogo.
Meghalaya nung ozüng alema nakmati atur ta India Today indang special investigative team kati osang sangoktsüba sülen anogo ka lir SC-i iba tetuytuba agütsü.
National Green Tribunal (NGT)-i tenokdangba agüjaka ozüng alema nakmati atuba mapa inyaker, ta SC-isa ashi.
Meghalaya sorkari ozüng alema nakmati atuba inyakyim mazüoktetba atema SC-i arrtsü aser affidavit ka agütsütsü atema tuyuogo.
East Jaintia Hills District nung nakmati atur nisung 15 samar joko ita ka jungogo. Sorkar osang ajanga ashiba agi rescue operations maneni inyakdar saka nisungtem mengutetba agi anentsü akok.
Yaküm December 4 nü State Coordination Committee of Coal Owners and Mine Dealers’ Forum-i temepishiba ka benokba angadangdang Supreme Court-i taküm January 31 tashi nakmati tua aliba belentsü atema temelaba agütsü.
Meghalaya nung nakmati atur nisung 15 samaba sülen social activist telok kati tawa tu citizens’ report ka agütsüba nung Supreme Court dang ozüng alema nakmati atuba aser coal mafia tem azüoktsü atema ayongzüka lir.
Social activist tem- Agnes Kharshing, Amita Sangma, Angela Rangad aser Michael N Syiem nungeri ashiba agi Meghalaya sorkari National Green Tribunal (NGT) tenokdangba anema nakmati aturtem den yariteper.
Yaküm November ita Meghalaya sorkari Supreme Court nung NGT ban anema ken o ka benok.
All Dimasa Students’ Union aser Hasao District Committee teloktemi temepishiba ka benokba sülen April 2014 nung NGT tenokdangba agütsü.