Bhandari nung Dept. Coordination senden amen

Wokha, January 16 (TYO): Ita shia amenba Bhandari Sub-Division departmental co-ordination senden tanü ADC conference hall Bhandari nung Additional Deputy Commissioner, Bhandari, Tiameren Chang leniba nung menogo, ta ketdangsertem osang ka ajanga metetdaktsü.
Senden nung Chairman-i ketdangser ajak dang asentenshir public tenzükba wadang inyaktsü ayongzük.
Senden nung Bhandari jila nung traffic island yanglutsü, network majungba, jila nung kisetshiruru atema vaccination programme ayongzüktsü, February ita nung departmental sports ayongzüktsü, January 24 nü lokti nübodoka mapa inyaktsü aser taruba Republic Day atema mapalem onüktem nung o lemtepa liasü.
Taruba sendenji seeds farm Merapani nung ayongzüka amentsü.