Mizoram: Nisung 150 shi dak scrub typhus tashidak putet

Aizawl, Aenjeti/January 16 (Agencies): Mongulbarnü Mizoram, Serchhip district kübok Thenzawl jila nung nisung 152 dak scrub typhus tashidak aliba putetogo.
Scrub typhus dang ya bush typhus taka ajar aser iba ya bacteria Orientia tsutsugamushi agi adokdaktsür koba atsük ajanga belenshir, ta sangdong ka ajanga metetdaktsü.
Ketdangsertemi ashiba agi, scrub typhus ya 2018 November ita nung poktet.
State Integrated Disease Surveillance Programme, Nodal officer Dr Pachuau Lalmalsawma aser mongintem telok kati Thenzawl semdang, aser shiranga alirtem aser iba bacteria agi shirang menar alitsü ta temulung melemi bilemertem atema angati clinic ka ayongzüka katsü.
Thenzawl jika ya Aizwal nungi km 90 shi pilar lir.
Scrub typhus tashidak ajanga 2018 küm Thenzawl jila nung nisung ana tashi süogo.
2012 küm nungi tenzüka iba tashidak ajanga nisung 50 süogo aser nisung 2000 dak tema iba tashidak agi kongshiba jangjaogo.